好多人問我睇完《狂舞派3》覺得點
我一直唔想講因為
其實我覺得點唔係重點
重點係我有入場支持
呢點比起鍾意唔鍾意
響今時今日其實更重要。
冇錯，今集係沉重咗好多
一心諗住重拾《狂舞派1》熱血青春嘅觀眾嚟講
註定失望，甚至會覺得因為導演野心大咗
令套戲變得鬆散，仲有啲紀錄片feel
唔似一套「正常」嘅戲
講真，今時今日呢個城巿仲有咩叫正常？
你可以話導演由當年第一集拍完後
一直籌備到大概兩年前完成《狂舞派3》
所以當時一直關注嘅
地產霸權問題，經歷咗呢兩年
原本好重要嘅問題原來相比已經不再重要
唔再係香港人最切身最上心嘅話題；
你亦都可以覺得電影嘅重要功能應該係
畀到觀眾fantasy 同勇氣🌈
現實做唔到嘅就響電影度補償圓滿咗佢
所以今集雖然沉重好睇又反映現實
但就赤裸真實到你唔想再睇一次🤦🏽🤦🏽🤦🏽
不過，最重要係呢個「不過」
不過！呢啲都唔構成理由令我哋唔支持
一個有心又夠guts嘅導演同佢哋嘅團隊
以自己導演生涯做賭注
用電影喚起大家對某啲議題嘅關注
我見到有啲評論話呢套戲
剩係提出藝術同商業嘅矛盾對立
同埋地產霸權嘅影響，但冇提供
解決問題嘅方法
所以唔係成功嘅電影🤯🤯🤯
我睇完真係笑到有腹肌😂😂😂
我唔知呢位朋友係咪中學考試答題式思維
上咗腦，所以先會咁諗嘢咁做人
喂我要提供到解決方法先可以拍果類題材
咁我拍鬼片係咪要先make sure我識捉鬼
而且係有效地提供捉鬼方法先拍得？
What the fun?是在哈佬？
咁我拍喪屍片要識對付喪屍？😂
拍病毒襲地球就要提供埋有效疫苗formula?😂
《狂舞派3》或者真係有佢嘅瑕疵同不足
但佢有好多香港電影即使全盛時期
都未必有嘅人文關懷，反叛精神同溫度
睇完我仍然會欣賞感恩
慶幸香港仲有人敢拍
就算佢娛樂性同fantasy 有所不足
都總好過要我睇《緊急救援》🤡🤡🤡
任何合理嘅討論都可以令香港電影更進步
但你問點解蘋果冇橙味
點解搣開粒橙冇蘋果核
呢啲人都係睇返蕭若元先生啲片吧啦
咩味都有，連sea food味都畀到你
個菠蘿仲會突然爆炸添👏👏👏😂😂😂
#狂舞派3 #狂舞街 #士紳化 #觀塘 #唔再係杜琪峰嘅觀塘 #要睇最好去西環睇 #高登先 #黃修平 #陳心遙 #響我學識捉鬼之前我唔敢再拍鬼片住 #費事啲影評人又話我 #原來做政府高官都唔需要識得解決地產霸權問題但做電影你suppose應該要 #平衡藝術同商業唔係藝發局或者任何相關部門要思考嘅問題 #係導演編劇嘅問題 #長知識 #香港開埠以嚟咁多人都解決唔到嘅土地供應問題 #你覺得拍戲嘅應該要解決到先可以拍 #我諗到我拎諾貝爾獎啦洗咁辛苦用咁多年拍套戲然後畀你踩 #我想知寫果位朋友有冇睇過AV #冇一套AV有提供過解決色情同色情產業嘅問題咕喎 #道德高地 #指點江山 #人之患
Search